Euskaltel-Euskadiko txirrindulariak garaipen bikaina lortu zuen igandean jokatu zen Ordiziako Klasikoan. Donostiako Klasikoaren bezperatan garen honetan, talde laranjak zerbait egin dezakeenaren aurrerapen gisara sentitua izan daiteke.
Ormaiztegiarra era honetako lasterketatara ondo moldatzen den txirrindularia dela erakutsi digu. Luxenburgoko itzulian ere etapa bat irabazi zuen aurtengo edizioan. Iaz igo zen profesionaletara eta Goierriko txirrindulariak pozen bat edo beste emateko moduan izan daitekeela uste dut.
Igande arratsaldean azken hilabetetako garaipen garrantzitsuenetakoa lortu zuen Gorka Izagirre txirrindulari ormaiztegiarrak. Luxemburgoko ItzuliaTwitter bidez (@procyclinglive) jarraitzen geundenok sorpresa ikaragarria jaso genuen:
procyclinglive: Four riders have escaped the peloton. Leader Carrara is with them, as is Izaguirre (EUS), Doi (SKS) and Ivanov (KAT). #skodatour
eta ondoren:
procyclinglive: Izaguirre starts the sprint and wins the stage!. #skodatour
Ikaragarria! 22 urte, UCI Pro Tour lasterketa, eta Ivanov (Amstel Gold Race-n garailea) zein Carrara-ri (Luxemburgoko Itzuliko azken garailea) gailendu! Azken kilometrotan euri jasa ikaragarria izan zen, lasterketa bertan behera botatzekotan izan ziren gainera, eta gure txirrindulariak bide gorabeheratsua hartan kolpe!
Amorruz beteriko garaipena bere aurpegiak ongi azaltzen duen moduan.
Ondo asi zuen itzulia Gorkak, aitzin etapan 13garren postuan sailkatu zelarik eta gazte onenaren maillota jantzi zuelarik. Ondorengo egunetan ordea lana erruz egin behar izan du bere taldekideen mesedetan… esprinten baten bila edo… Bere zuzendarien erabakiak egokiak izan al dira?? Gazte onenaren maillotak ez al du batere balio UCI Pro Tour lasterketa batean?? Beste txirrindularirik ez al zegoen lan horretarako??
Gorkak argi erakutsi zigun sasoi beteko zegoela, indartsu, eta bere klasea agerian jarri zuen azken etapa honetan. Txirrindulari ugari dago urteak joan urteak etorri garaipenik gabe daudenak, izan ere, goi mailako txirrindularitzan ez da ezer oparitzen eta zer esanik ez UCI Pro Tour-ean. Zer balorazio egin beharko genuke Euskaltel-Euskadiko zuzendarien inguruan??
Profesionaletako bere bigarren urtean erakutsi du Gorkak txirrindulari garailea dela, eta bere zuzendariek kontutan hartu beharko luketela hemendik aurrera era honetako lasterketetan. Izan ere, zaila bada txirrindulari garaile bat izatea gure artean, oraindik eta zailagoa “klasikomano” bat aurkitzea. Halaxe definituko bainuke Izagirre, klase handiko txirrindulari azkarra. Badakigu iparraldeko klasikak dituela maite, euria eta hotzarekin gustura sentitzen da euskaldun on lez, eta hori igandean argi erakutsi zigun.
Flandriako Tourra, Amstel Gold Race eta era honetako klasikak maite ditugunontzat garai ederrak datozela iruditzen zait euskal txirrindularitzari dagokionez… baina bestalde kezka batzuk ere sortzen zaizkit: talde egokian ote dago Izagirre?? Euskaltel-Euskadik apustu garbia egingo ote du txirrindularitza mota honen alde??
Ea hala den… bitartean, gozatu Gorkaren garaipenaz:
Taldeari eskertu nahi izan dio garaipena guztien lanari esker lortutako garaipena izan dela garbi utzi nahirik. Garaipena, berriz, bere emazte eta etorkizuneko semeari eskaini nahi izan dio.
Etapa garaipenaz gain lasterketaren lider maillota eskuratu du. Horrek poza areagotu dio baina kosziente dira galtzeko arriskua dutela.
Ikusi beharko dugu ia nola joaten diren hurrengo egunak. Lasterketako faborito nagusia Vicioso da eta gertu gertutik zaindu beharko dute lasterketa honetan etapa garaipena baino zerbait gehiago lortu nahi badute behintzat.
