Hori da Patxi Vilari birritan entzun dioguna azken egunetan. Atzo amaitzen zitzaion testosterona sintetiko kontsumitu izangatik jarri zioten zigorra eta orain talde bila dabil.
Azken berrien arabera, Patxi Vila Lampre taldeaz gain (2003az geroztik partaide izan den taldea) Astana taldearekin ere bideak ireki omen ditu. Hauek ProTourreko taldeei dagokionez, baina Kontinentalak ez ditu baztertzen. Horien artean Xacobeo-Galicia, Andalucia-Cajasur eta Carmioro - A Style, egun Sellaren taldea dena. Talde galiziarrean ez zait iruditzen lekurik egingo diotenik besteak beste Iban Mayoz eta David Herrero ere taldetik baztertu baitituzte 2010era begira. Ez dakit ondorioz donostiarrak eta bilbotarrak txirrindularitza profesionalean jarraitzerik izango al duten.
Ezezkoa eman dioten taldeak Caisse D’Epargne eta Euskaltel-Euskadi omen dira. Hauek dagoeneko hurrengo urterako taldea osatua dutela esan baitiote. Ikusiko dugu zein taldetan amaitzen duen Berako txirrindulariak gauzak ondo bidean.
Agin Rezola kolaboratzaile eta adiskideak 